విచిత్ర లోకం

వింతల బొంత సోదరా ఈ లోకం
విచిత్రంగా ప్రవర్తిస్తుంది నీ పట్ల

తనదెప్పుడూ మొదటి స్తానమేనంటుంది
నీదెప్పుడూ కడపటి స్థానమని తేలుస్తుంది

గాడిద నెక్కమంటాడు గడుసుగా ఒకడు
దనిది మాత్రం ప్రాణంకాదా అంటాడు మరొకడు

పెను ఉప్పెనలాంటి విమర్శల అలలు
రేపుతాయి మనో వీధిలో అల్లకల్లొలాలు

తన దారిలోకి తెచ్చుకో జూస్తుంది ఎప్పుడూ లోకం
తన వ్యక్తిత్వాన్ని నిలబెట్టుకోవడమే ముఖ్యం

కామెర్ల రోగికి లోకమంతా బహు పచ్చన
లోకం దృష్టిలో నీ స్తానం బహు చులకన

లోకుల మాటలు వింటే పడతావు ఎన్నో తిప్పలు
అంతర్వాణిని అనుసరిస్తే సాధిస్తావెన్నో విజయాలు

లోకుల ప్రశంసలకు అతిగా పొంగిపోకు
మెప్పులు గొప్పలు త్వరలోనే మాసిపోవు

లోకపు అపసవ్యపు మాటలకు వెరవకు
అంతర్ లక్ష్యాన్ని ఎప్పుడూ నువు మరువకు!

- నాగులవంచ వసంత రావు