మానవ నైజం
ఇతరులభివౄద్దిని కన్నులారగాంచి
ఈర్ష్యమూలంబున ఇలలోన జనులు
తన ఉనికికే అది బహు ప్రమాదంబని
తలపోతురు మిగుల నిత్యంబు మదిలో
ఎన్నెన్నొ గత జన్మల శుభాశుభ కర్మల
ఫలితమెరుంగని అజ్ఞాన నరులు
పొరుగు సంపద జూసి సంతసంబొందక
తనకు లేదటంచు తెగ కుమిలిపోదురు
ఎంతవారికిలను అంత ఆలోచనే
అరయ మనస్తత్వ శాస్త్రమెరుగ
తానున్న స్థితిలోనె ఇతరులుండాలని
మానసంబున తెగ ఆరాటపడుదురు
ఆదర్శ మార్గాన పయనింప బూనిన
ఓర్వలేని జనులు కొందరిలను
ప్రోత్సహించుట మాని నిందింప జూతురు
లోకరీతిని పరికింప సత్యమిలను
అందరి హృదిలోని పరమాత్ముడొక్కడని తెలయక
తమ మార్గమే గొప్పదని తర్కించుదురు జనులు
ఊర్ధ్వమానసాన పయనించి చూడగా
విశ్వవ్యాపితమైన విశ్వేశ్వరుండొక్కడే !
- నాగులవంచ వసంత రావు
0 Comments:
Post a Comment
Subscribe to Post Comments [Atom]
<< Home