చదువుల తల్లి
విద్య యనే రెండక్షరాలలో
విశ్వమంత దాగున్నదిరా
చదువుల తల్లిని సంపాదించుటె
సకల విద్యల సారమురా
పాలనిచ్చిన తల్లే నీకు
ప్రథమ గురువని తెలియరా
ఊహ తెలిసిన క్షణం నుండి
తల్లే నీకు దైవమురా
జ్ఞానం నేర్పే గురువే నీకు
ఇలలో అపర బ్రహ్మమురా
విదేశ చదువు మోజులలో
పరదేశ వస్త్ర ఫోజులలో
ఎండమావుల వెంట పరుగులెత్తకు
మాతృదేశ గౌరవాన్ని మంటగలుపకు
విదేశీయుల ధనం కోసం
విద్యలెన్నో నేర్చి నీవు
పరుగులెత్తి పాలు త్రాగుచు
జన్మభూమినె మరచినావు
నోట్ల కట్టల ఎరను వేసి
మేధనంతా పీల్చినారు
జన్మ భూమికి అంతులేని
ద్రోహమెంతో జేసినావు
స్వంత లాభం కోసమై నువు
జన్మ భూమినె మరచినావు
నీదు సౌఖ్యం ముఖ్యమంటూ
దేశప్రగతిని మరచినావు
- నాగులవంచ వసంత రావు
0 Comments:
Post a Comment
Subscribe to Post Comments [Atom]
<< Home