Tuesday, November 27, 2007

బాబా సర్వకేంద్ర స్తోత్ర గీతం

ఏమని పిలువాలిరా బాబా నిన్నెవరని పిలువాలిరా

ఏ పిలుపులకందని నిన్నేమని పిలువాలిరా
బాబా నిన్నేమని తలువాలిరా

ఏ పలుకులకందని నిన్నేమని పలుకాలిరా
బాబా నిన్నేమని తెలుపాలిరా

ఏ వాక్కులకందని నిన్నేమని చెప్పాలిరా
బాబా నిన్నెవరని చెప్పాలిరా

ఏ చూపులకందని నిన్నేమని చూడాలిరా
బాబా నీవెవరని చూపాలిరా

సర్వస్వరూపా నిన్నేరూపున గాంచాలిరా
బాబా నిన్నేరూపున చూపాలిరా

ఏ స్పర్శలకందని నిన్నేమని స్పృశించాలిరా
బాబా నిన్నెవరని స్పర్శించాలిరా

సర్వస్థలవాసా నిన్నేచోట వెదకాలిరా
బాబా నిన్నెందెందు గాంచాలిరా

అనంతానంత నిన్నేమని అర్ధించాలిరా
బాబా నువ్వెవరని అర్చించాలిరా

సర్వాత్ముడవైన నిన్నేమని భజించాలిరా
బాబా నిన్నేమని జపించాలిరా

ఏలీల గోలలులేని నిన్నేమని స్థుతించాలిర
బాబా నిన్నేమని స్మరించాలిరా

దృక్ దృశ్యాతీత నిన్నేమని దర్శించాలిరా
బాబా నీవెవరని దర్శించాలిరా

ఏ గుర్తులకందని నీపై గురి ఎట్ల నిలుపాలిరా
బాబా నీ గుట్టెట్ల తెలియాలిరా

ఏ కొలతలకందని నిన్నేమని కొలువాలిరా
బాబా నీవెవరని తలువాలిరా

చిన్మయాత్ముడవైన నిన్నేమని చింతించాలిరా
బాబా నిన్నేమని స్మరించాలిరా

దివ్యాత్మ సింధు నిన్నేమని ధ్యానించాలిరా
బాబా నిన్నేమని కీర్తించాలిరా

స్వపరంజ్యొతివైన నీకేరూప మివ్వాలిరా
బాబా నీకే హారతివ్వాలిరా

పరాత్పర తత్త్వనిలయ నిన్నేమని ప్రార్థించాలిరా
బాబా నువ్వెవరని పూజించాలిరా

విశ్వ గర్భుడవైన నిన్నేమని వీక్షించాలిర
బాబా నిన్నేమని ప్రకటించాలిరా

గోప్యాతిగోప్య నిన్నేగుడిలో నిలుపాలిరా
బాబా నిన్నే బడిలో నిలుపాలిరా

ఏ మహిమలకందని నిన్నేమని పొగడాలిరా
బాబా నీవెవరని పొగడాలిరా

ఏ ముడుపులకందని నిన్నేమని మ్రొక్కాలిరా
బాబా నువు మాకెలా దక్కేవురా
బాబా నువు మాకెలా చిక్కేవురా

స్వయంభు: స్వత:స్సిద్ధ సర్వోన్నత పీఠాధీశ్వర బాబా సర్వకేంద్ర భగవన్ కీ జై!