Friday, June 1, 2007

పరానుకరణ

మనిషేమో ఇక్కడ
మనసేమో అక్కడ
భారతీయులమంటూనే
బహిర్దేశాల పోకడ

భౌతికంగా స్వతంత్రులం
అయ్యామన్న మాటేగాని
భావ స్వాతంత్ర్యాన్ని
మాత్రం పూర్తిగా కోల్పోయాం

పాలించట్లేదన్న మాటేగాని
పచార్లు మాత్రం వాళ్ళ చుట్టే

మన సంస్కృతీ సాంప్రదాయాలను
విదేశీయులు విపరీతంగా ఆదరిస్తుంటే
మనం మాత్రం తగుదునమ్మా యని
తెగ అనుకరిస్తున్నాం వారిని వేషభాషల్లో

దాలర్ల కోసం ఒకటే కలవరింతలు
దాబు దర్పాల కోసం పరితపింపులు
గొప్పతనం కోసం పడుతున్న తిప్పలు
తెస్తాయి మానవాళికి ముప్పులు

విదేశీ వస్తువనగానే విపరీతమైన మోజు
తన దేశందనగానే తగని నిట్టూర్పు

సగం ప్రదర్శించడమే సంస్కారమైతే
సాంతానికి మరి అర్థమేమిటో
నిక్కచ్చిగా నిఘంటువును ఆస్రయించవలసిందే
చరిత్రను చమత్కారంగా తిరగ వ్రాయవలసిందే

- నాగులవంచ వసంత రావు

0 Comments:

Post a Comment

Subscribe to Post Comments [Atom]

<< Home