బలి పశువు

మూర్తులను సేవించే నేటి దేవాలయాలు
కొంతమంది యువతీ యువకుల ప్రేమాలయాలు

శృతిమించిన విద్యార్ధుల వేధింపులు
తెస్తాయి విద్యాలయాలకు తలవంపులు

అల్లారుముద్దుగా పెంచుకున్న అమాయకపు
ఆడపడచుల బంగారు భవిష్యత్తుకై
అందమైన ఆశా సౌధాలెన్నో నిర్మించిన
తల్లిదండ్రుల కలలన్నీ కల్లలైపోతున్నాయి
కన్నెళ్ళే చివరికి కన్నవారికి మిగులుతున్నాయి

తాను ప్రేమించిన యువతి
తన ప్రేమను తిరస్కరించిందని
యాసిడ్ పోసో గొంతు కోసో
కసాయిగా ప్రవర్తించిన ప్రేమ ఉన్మాది
సమాజానికి మహా ప్రమాది

తాను సమాజంలో మంచిగా జీవిస్తున్నా
తన చుట్టూవున్న సామాజిక ఉన్మాదులు
అమాయక జీవితాలనే కర్కశంగా
కబలిస్తున్నారు పరమ కామాంధులు

తాను వాహనం చక్కగా రోడ్డుపై నడుపుతున్నా
ప్రక్కవాడి చోదక ప్రావీణ్యతా లోపానికి
బలియయ్యే బడుగు నిరపరాధి
తప్పుడు లైసెన్సులకు బలిపుశువైన సంఘజీవి

నీవు మంచిగా ఉన్నంతమాత్రాన సరిపోదు
నీ చుట్టూ సమాజాన్ని ఒక్కసారి పరికించి చూడు
మత్తువదలి మహత్తర శక్తిగా విజృంభించు
సంఘ విద్రోహులను సమూలంగా మట్టుపెట్టు

సామాజిక స్పృహను సదా గుండెల్లో రగుల్చుకో
అన్యాయాలను ఎదిరించే ధైర్యాన్ని పెంచుకో

వర్తమాన కాలంలో సభ్య సమాజంలో జరిగే
అన్యాయాలను, అక్రమాలను రూపుమాపడానికి
సమయానుకూలంగా అస్త్రాన్ని సంధించు
ప్రళయకాల ప్రభంజనంలా ప్రయోగించు!

- నాగులవంచ వసంత రావు